| Aug 5
今日公司個冷氣終於整返.. 不過我覺得都係好少少囉.. 無咩大改善, 唉!!! 放工之後, 同emily & pearl 去左新世界中心既Towngas Avenue度食dinner, 講真d野食都係麻麻地囉, 不過價錢都幾貴, 3個人食左6百幾蚊呀!! wa~~~ 跟住就去左間酒店既restaurant度飲野, 仲貴.. 3杯野已經百幾蚊... 不過我地傾左好多野.. 3個女人1個墟麻.. 由9點幾傾到1點半呀!!! emily又同佢bf散左喇.. 唉.. 我都唔識點講, 因為佢次次都係o甘, 做朋友既野, 講過一次佢唔聽就算啦... 正所謂忠言逆耳... 算吧.. 由佢自己決定啦.... 希望佢下次會真係認真d啦..........
Aug 6
去左剪頭髮, 不過都只係剪左一吋到咋.. 但係都好似剪左好多o甘..跟住去左casueway bay 行左一陣&同emily係仙跡岩飲野.. 因為要等yuen放工再去bbq! 8點去到荃灣join埋yuen同子華, 就入去小欖bbq! 入到小欖都成9點lu... 燒到1點幾呀.. 雖然得4個人bbq, 而且勁熱, 不過都玩得幾開心, 有講有笑.. 好彩子華有車咋, 可以車返我地出去火車站到轉巴士返屋企, 返到屋企已經2點半呀.. 勁疲呀!!! 其實如果佢肯車到我屋企就最perfect喇.. 不過佢死都唔制, 仲話佢架車係唔過海喎!!! 算啦, 見你住深井我就唔同你計啦!! hahahhaa!!!
Aug 7
今日11點幾起身, 因為阿ben係泰國過左黎, 所以我地咪同佢食lunch囉.. 不過今次阿ben今次返黎, 我地有開心有唔開心, 開心係因為我地8年無見喇..今次有機會見返, 唔開心既係佢今次黎香港既原因係佢太太患左cancer!! 佢過黎探佢太太.... 阿ben係我地公司以前既同事.. 佢係泰國人黎既, 而佢太太就係香港度做泰傭既.. 佢太太一直都係香港, 而阿ben係97年因為佢個大仔出左事先辭職返泰國, 一直都無返過黎, 估唔到8年後會因為o甘我地先再見面!!! 今日聽到佢太太既病情, 我好擔心呀... 再諗深一層, 覺得人最緊要都係健康... 病真係好慘, 不單只自己痛苦, 連你身邊既人都好心痛~~ 今日我、 dorothy、 wesley、 阿mo、 ben 同埋佢太太去左九龍城廣場度食lunch, 因為阿ben無錢, 所以我地每人夾左500蚊比佢, 希望幫到佢少少啦... 食完lunch之後, 阿mo就車dorothy同wesley返屋企, 但係就車左我去又一城度飲野, 原本佢想我今晚陪佢食飯既.. 不過阿mo, sorry呀.. 我真係好眼訓呀. 所以我返左屋企囉. hehe!! 5點返到屋企, 就即刻訓左覺lu... 6點幾yuen打比我先起身.. 再同爸爸食dinner... 今晚我要做埋d數喇.. 想快d攪掂呀!!! 努力~~加油~~ 好喇... 要開始做喇.. |
